2018 წლის 18 აგვისტოს, იტალიის ქალაქ ბრუნეკში „მთის ხალხის ფესტივალი“ გაიმართა,რომელიც სვანეთის კულტურას მიეძღვნა და მიზნად ისახავდა რეინჰოლდ მესნერის მთის მუზეუმებში- „რიპა“ სვანური მატერიალური და არამატერიალური ძეგლების პრეზენტაციას.
სვანური ხალხური შემოქმედების პოპულარიზაციისთვის, ფესტივალის მონაწილეებისთვის და სტუმრებისთვის მოეწყო სვანური კულტურისადმი მიძღვნილი საგამოფენო-სადემონსტრაციო სივრცე.
გაიმართა ლექცია სვანური ინსტრუმენტების შექმნის ისტორიისა და დამზადების ტექნოლოგიის შესახებ, რომელიც ხეზე ჭრის ტრადიციის შესახებ მოგვითხრობდა.
მოწვეულმა სტუმრებმა დააგემოვნეს სვანური სანელებლებითა და სვანური მარილით მომზადებული კერძები.
რეინჰოლდ მესნერსა და ეკონომიკისა და მდგრადი განვითარების სამინისტროს „მთის კურორტების განვითარების კომპანიას“ შორის 2017 წელს დაწყებული თანამშრომლობის ფარგლებში, ცნობილმა ალპინისტმა იტალიის ქალაქ ბრუნეკში პრეზენტაცია გამართა-სვანეთში, კავკასიის პირველი მთის ცენტრის მშენებლობის შესახებ.
აქვე ხელი მოეწერა ურთიერთთანამშრომლობის მემორანდუმს,მუზეუმში მესნერის მიერ მოწყობილ სვანურ მაჩუბში.
ფესტივალს დაესწრო იტალიის ადგილობრივი ხელისუფლება, კულტურისა და სამთო ტურიზმის სფეროს წარმომადგენლები, მესტიის მუნიციპალიტეტის კულტურისა და ხელოვნების ცენტრის ფოლკლორული ანსამბლი „რიჰო“ და "საქართველოს მთის კურორტების განვითარების კომპანიის" წარმომადგენლობა.